ປະທານປະເທດ ຫວຽດນາມ ລົງກວດກາວຽກງານກຽມພ້ອມສູ້ຮົບຂອງກຳລັງ ປກຊ ແລະ ປກສ
ອີງຕາມລາຍງານຈາກວິທະຍຸກະຈາຍສຽງ ຫວຽດນາມ ແຈ້ງໃຫ້ຮູ້ໃນວັນທີ 5 ກຸມພາ 2024 ຜ່ານມານີ້ວ່າ: ຕອນເຊົ້າວັນທີ 5 ກຸມ
ພາ 2024 ນີ້, ທີ່ນະຄອນຫຼວງຮ່າໂນ້ຍ, ທ່ານ ຫວໍ ວັນ ເຖືອງ ປະທານປະເທດຫວຽດນາມ, ໄດ້ລົງກວດກາວຽກງານກຽມພ້ອມສູ້ຮົບຂອງ
ພະນັກງານ, ນັກຮົບກອງບັນຊາການກຳລັງປ້ອງກັນໃກ້ຊິດ ແລະ ກອງບັນຊາການຕຳຫຼວດເຄື່ອນທີ່ໃນໂອກາດບຸນປີໃໝ່ປະຈຳຊາດ 2024.
ໃນໂອກາດລົງຢ້ຽມຢາມອວຍພອນປີໃໝ່ຕໍ່ພະນັກງານ, ນັກຮົບກຳລັງປ້ອງກັນໃກ້ຊິດ, ທ່ານປະທານປະເທດ ໄດ້ກ່າວເນັ້ນວ່າ: ໄລຍະ
ຈະມາເຖິງ, ກຳລັງປ້ອງກັນໃກ້ຊິດ ຕ້ອງຮັບປະກັນໄດ້ຄວາມສະຫງົບ, ຄວາມປອດໄພໃຫ້ແກ່ບັນດາການນຳພັກ, ລັດ ໃນການລົງເຄື່ອນໄຫວ
ວຽກງານຕ່າງໆ, ເຫດການສຳຄັນຂອງປະເທດຊາດ ກໍຄືຂອງສາກົນ ທີ່ຈະຈັດຂຶ້ນຢູ່ ຫວຽດນາມ, ກໍຄືການເຄື່ອນໄຫວຂອງການນຳພັກ, ລັດ
ຢູ່ຕ່າງປະເທດ. ນອກນີ້, ທ່ານປະທານປະເທດ ຍັງໄດ້ຮຽກຮ້ອງໃຫ້ຂະແໜງກຳລັງ ປ້ອງກັນໃກ້ຊິດສຸມໃສ່ທຸກຄວາມພະຍາຍາມສູ້ຊົນສ້າງກຳ
ລັງຂອງຕົນ ແຕ່ນີ້ຮອດປີ 2025 ໃຫ້ມີ ຄວາມ “ປອດໄສ, ໝັ້ນຄົງເຂັ້ມແຂງ, ເປັນກຳລັງຫຼວງທີ່ຍອດຢ້ຽມ, ກ້າແກ່ນ ແລະ ທັນສະໄໝເທື່ອ
ລະກ້າວ” ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານໃນສະພາບການໃໝ່.
ໂອກາດລົງຢ້ຽມຢາມ, ອວຍພອນປີໃໝ່ ແລະ ກວດກາວຽກງານກຽມພ້ອມສູ້ຮົບຂອງກອງບັນຊາການຕຳຫຼວດເຄື່ອນທີ່, ທ່ານ ຫວໍ ວັນ
ເຖືອງ ກໍໄດ້ເນັ້ນໜັກໃຫ້ຄະນະພັກ-ຄະນະບັນຊາ ກອງບັນຊາການຕຳຫຼວດເຄື່ອນທີ່ ສ້າງກຳລັງຂອງຕົນໃຫ້ມີຄວາມປອດໄສ, ໝັ້ນຄົງເຂັ້ມແຂງ
ແລະ ທັນສະໄໝ. ບໍ່ວ່າຈະຕົກຢູ່ໃນສະພາບການໃດ, ເງື່ອນໄຂໃດກໍ່ຕ້ອງຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ, ຄວາມປອດ
ໄພທາງສັງຄົມ.
ແຫຼ່ງທີ່ມາ: ໜັງສືພິມກອງທັບ
ວັນທີ 08/02/2024